Afrikaans / English

Kuns en Kultuur

 Gallery: Kranspoort Kunstenaarsblad

Vonkelvroue doen dit weer

Gedurende die eerste gedeelte van grendeltyd het die flukse Vonkelvroue 9 komberse voltooi. Verlede jaar het ons aan Hospice 11 komberse geskenk en hierdie jaar se skenking gaan aan inwoners van Huis Herfsakker in Groblersdal uitgedeel word. Baie dankie aan almal wat betrokke was. Ek dink ons kan trots voel daarop.

 

Biblioteek

Nie alle inwoners is daarvan bewus dat die Adminstrasiegebou 'n klein, maar goed toegeruste Biblioteek huisves nie. Meeste boeke in die Biblioteek is skenkings van inwoners wat graag hulle lees ervarings met ander wil deel. Die diens word gratis aangebied en geen lidmaatskap is nodig nie.

Drie van Kranspoort se dames beheer en organiseer die Biblioteek professioneel en effektief. Boeke is per outeur gesorteer en akkommodeer meeste genres.

Biblioteek

Die insamel van boeke en ordelikheid van biblioteek

 

Naam

Van

 Selnommer

 Plek en ure

Custodian 1

Dea

v/d Westuizen

082 465 6409

Kantoor en kantoor ure

Custodian 2

Werda

Cromhout

 082 458 2219

Kantoor en kantoor ure

 

Kranspoort Moremark In die Augustus 2009-uitgawe van “Kranspoort Vakansiedorp Nuus” het André Lourens ‘n beroep op Kranspoorters gedoen om ‘n moremark daar te stel. In sy skrywe stel hy dit so: “Ons doel is om ‘n ontbyt en kunsmark langs of naby Kranspoort te begin waar unieke ontbytdisse, tuisgebak, hand- en huisgemaakte items verkoop word. Verder is dit ‘n plek waar vriende Saterdae ontmoet vir ‘n gesellige kuier. Die bedoeling is dat die mark ‘n geleentheid aan Krans-poorters moet bied om tuisprodukte soos ontbytdisse, skilderye, konfyte en dies meer te verkwansel vir n ekstra sneetje of twee”.Die idee het eers in 2014 geleidelik posgevat en die eerste mark is agter die gholfklub gehou. Renette Hill het later gesê:” Verlede jaar (2014) het die gedagte van ‘n mark vir Kranspoort ontstaan. Voorstelle en gesprekke daaroor het ‘n paar punte duidelik uitgelig, daar was wel ‘n behoefte vir ‘n mark en die gewildste dag vir die mark was natuurlik op n Saterdag.” Helena onthou hoe gesellig dit was met n boere-orkes wat vir musiek en atmosfeer gesorg het.Met Jesse se ontbyt, Elna se koffie, tee en eetgoed, André en Helena se Levubu produkte en Wietske met haar skilderye, het die mark toe goed afgeskop. Dit het later geskuif na die piekniekterrein en later is die Raasblaarsaal gebou waar die mark deesdae plaasvind. Magda en Elsabe saam met Dave en Hans behartig nou die ontbyt en ook worsbroodjies. Die jukskeigroep se pannekoeke is altyd ‘n gunsteling en kan nie voorbly met bestellings nie.Sodra dinge na Covid-19 insluiting normaliseer, sal ons weer lekker kan saamkuier by die moremark wat een keer ‘n maand sal plaasvind. Die verwagting is om baie uitstallers te kry en dat Kranspoorters die oggend sal geniet en ondersteun.